Владимир Васильева дагъустанвийриз Сив хуьнин сувар мубаракна

Тебрик

Гьуьрметлу шейх Агьмад-гьажи! За Квез ва Дагъустандин вири мусурманриз пакди тир Рамазандин варз куьтягь хьун, баркаван Сив хуьнин сувар алукьун мубаракзава!

И сувар чи руьгьдин умуми ирсинин къакъудиз тежер пай, неинки сивер хуьн акьалтIун, гьакIни, сифте нубатда, рикIер михьи хьун, сабурар ягъун ва ахлакьдин жигьетдай мадни виниз хкаж хьунин рекье аваз физ чалишмиш хьун лишанламишзавай кьетIен югъ я.

Государстводини мусурманрин тешкилатри дуьзгуьндаказ санал кIвалахун вилик тухуник, медениятдин ирс хуьник, имандин рекьяй чирвилер гуник ва жегьил несил тербияламишуник пай кутунай  зи патай разивилин келимаяр кьабула.

Зун инанмиш тирвал, Сив хуьнин сувар къейд авуни гележегдани жуьреба-жуьре  динрал амалзавайбурун ва жуьреба-жуьре халкьарин векилрин арада меслятвал,  инсанрин ва халкьарин арада регьимлувилин, сада-садаз гьуьрмет авунин ва сад-садан гъавурда акьунин ивирар мягькемаруниз куьмек гуда.

Къуй гьар са кIвале шадвал, муьгьуьббат, руьгьдин жумартвални генгвал хьурай!

Заз виридахъ  сагъламвал, хушбахтвал, гъиле кьазвай къени крара агалкьунар хьун рикIин сидкьидай кIанзава.

                                   Дагъустан Республикадин Кьилин везифаяр вахтуналди тамамарзавай В.Васильев   


Всего просмотров: 9

Читайте также: