Дармандин набататар
Пегьризчийри къейдзавайвал, некIедин улун чай мукьвал-мукьвал хъуникди инсандин уьмуьр яргъи жеда. ТIвар кьунвай чай чIулав ва къацу чаярилай са жерге хийирлу такьатралди тафаватлу жезва.
Москвада машгьур духтур-пегьризчи Е.Соломатинади гъавурдик кутазвайвал, чайдин жуьреба-жуьре сортарин тафаватлувал абур кIватIзавай чкайрихъ галазни алакъалу я.
НекIедин улундик гзаф кьадарда антиоксидантар, гьа жергедай яз полифенолни ква. Полифенолди лагьайтIа, Альцгеймеран ва Паркинсонан азарар еримлу хьунин вилик пад кьазва. Идалайни гъейри, улунди рикIинни дамаррин, онкологиядин азаррикай виликамаз хабар гуда. Пешекарди лугьузвайвал, активный затIар гзаф квайвиляй, улундихъ инсан кIубан ийидай, тIуьрди фад иливаруниз куьмек гудай къуватни ава.
И чай ишлемишна виже текъвезвай дуьшуьшарни авачиз туш. Мисал яз, пешекарри хуквадинни ратарин ва лекьинин азарар авайбуруз улундин чай ишлемишун къадагъа авунва. Къадагъа туширбурузни ам кьадардилай артух ишлемиш тавун теклифзава: артухан секинсузвал акатун, ахвар атIун мумкин я.
«Лезги газет»
