«АЛАМ» журналдикай

«АЛАМ» журналдин сад лагьай нумра 2012-йисуз чапдай акъатна. Ам Азербайжанда уьмуьрзавай чи чIехи ватанэгьлийри лезги чIал хуьнин карда кьиле тухузвай гьерекатрин нетижа я. Журналдин чинриз лезги халкьдин тарихдиз, медениятдиз, сиясатдиз, алай девирдиз талукь макъалаяр, алимрихъ, шаиррихъ, гьикаятчийрихъ галаз ийизвай ихтилатар, цIийи ктабрикай хабарар ва гзаф маса материалар акъатзава.

Лагьана кIанда, «АЛАМ» журналдин патав лезги шаиррин «Марвар» тIвар алай кIватIални арадал гъанва. И кIватIал себеб яз, лезги эдебиятдин суфрадал цIудралди цIийи ктабар атана.

«АЛАМ»-дин редакция Бакуда ава: (пр. Метбуат, 529-квартал, «Азербайжан» чапхана, 6-мертеба). Телефондин нумраяр: +994 12 409 02 54; +994 50 433 66 90; +994 55 838 70 44.

Журналдин сайт: https://www.alamjurnal.com/

Дагъустанда «АЛАМ» журнал Дербентда – Лезги театрдай, Махачкъалада – «Лезги газетдин» редакциядай маса къачуз жеда.

«АЛАМ»-дин коллективда Камран Къурбаналиева (кьилин редактор), Эйваз Гуьлалиева («Марвардин» кьил), Руслан Шейдаева, ЭчIехви Абира, Видади Севзиханова, Этибар СтIурвиди, Севинж Мамедовади ва масабуру кIвалахзава.