Пар кьезил жеда

Федеральный налогрин къуллугъдин Дагъустанда авай  Управлениди хабар гайивал, 2021-йисалай  тешкилатрал  алай административный пар кьезил жеда.  Абур патал,  2019-йисан апрелдиз кьабулай Федеральный закондал (№ 63-ФЗ)  асаслу яз,  2020-йисан  транспортдинни чилин налогар гудайла ва адалай кьулухъ на­логрин декларацияр агакьарунин чарасузвал къуватдай вегьенва. Россиядин Минюстди транспортдинни чилин  налогрин декларацийрин формаяр тестикьа­ру­нин  буйругъ къуватдай аватнавайди яз малума­р­нава.

Гьа са вахтунда, налогрин талукь тир вахтунда  тран­спортдинни чилин налогар яз гайи пулар тестикьарун патал  2021-йисалай  карханайриз ва компанийриз гьисабнавай  налогрин кьадардикай хабар гузвай  малуматар рекье твада.

Идалайни гъейри, 2021-йисалай  декларацияр (тестикьарнавай налогрин декларацияр) кьабулдай  мумкинвал амукьда. Компания цIийикIа туькIуьр хъувур дуь­шуьшра инспекцийрини  налогрин декларацияр кьабулда — эгер эвелдай абур  2020-йисуз къачунвайбур  тиртIа.

2021-йисан 1-январдилай РФ-дин субъектрин законар акъуддай органриз транспортдин ва чилин налогар гудай вахтар тайинардай ихтияр амукьдач. И вахтар РФ-дин Налогрин Кодексди тайинарнава. Дегишвилер РФ-дин Налогрин Кодексдик РФ-дин 2019-йисан 29-сентябрдиз кьабулай Федеральный Законди (№325-ФЗ) кухтунва.

Жасмина Саидова


Всего просмотров: 36
Подпишитесь на наши каналы:

Читайте также:


Новости партнеров