14-сентябрдиз Краснодардин крайдин Новороссийск шегьерда кьиле фейи милли медениятрин «Новороссияне» фестивалда уьлкведин жуьреба-жуьре пипIерай бажарагълу ксари, милли 15 тешкилатди, гьа жергедай яз Адилхан Къагьриманов кьиле авай лезгийрин тешкилатдини иштиракна.
Къейд ийин, Новороссийскда Дагъустандихъ галаз алакъалу кьве тешкилат ава: «Дагъустан» (ам 2000-йисалай кардик ква) ва чкадин лезгийрин милли медениятдин автономия (2021-йисалай кардик ква, председатель — А. Къагьриманов).
Мярекатда шегьердин кьил Андрей Кравченкодини иштиракна. Ам кьиле авай десте лезгийрин милли тIуьнрихъ, адетрихъ галаз таниш хьана. Шад мярекатрин сергьятра аваз, миллетрин арада меслятвал, ислягьвал мягькемаруник пай кутунай ва милли медениятрин фестивалдихъ галаз алакъалу яз, А. Кравченкоди лезги общинадин кьил А.Къагьримановаз чухсагъулдин чар гана.
Лезги Фетгьуьллагь
