НутIуфа

Виликан вахтара руш це лугьуз фидайла чамран патай са сини нутIуфа гъун адан девлетлувилин лишан тир. НутIуфади къенин юкъузни лез­гий­рин суваррин, гьар са мярекатдин суф­радал чка кьазва.

И ширинлух кIерец­ри­кай, финерикай ва хатрутрин метикай гьазурда. КIерецрин хвехвер 5-7 декьикьада сачуна экъуьрна, абурулай алатай чкалрикай михь­да­. Абур туькьуьлвал квачир, тIям­лу­бур хьун важиблу я. Мед гзаф менфятлу затI я. Ам чIе­­медик ва я дуьдгъвердик­ хуькуьрнани, хешилдик кутунани, маса тIуьн­рихъ галазни не­да.

НутIуфа гьазурдайла, 1 литр мед, 2 ки­ло кIе­ре­цар, 1 какадин лаз, 150 гр. фин ге­рек­ къведа. Какадин лаз кьилди, 10-15 де­кьи­­кьа­­да тIур яна, каф хьтинди ийида. Арадал атайди метиник какадарна, 15-20 декьикьада ви­жевайдиз тIуру­налди хуькуьрда. Какадин лаз нутIу­фа­дик  ам чкIун тавун патал ку­тада. Фин 3-4 декьи­кьада сачуна экъуьрна, артухан ­чкалар хкудна, кIе­рецрик какадарна, вири санлай метиник хуькуьрда, кIунтI хьтинди арадал гъида.

Гила чи нутIуфа гьазур я. Самовардин са истиканда авай чайдихъ галаз вилик гъайитIа, ам иллаки ширин жеда.

Нарима  Агьмедова


Всего просмотров: 105
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире