Заз вучиз тIимил хьанва?

Са тIимил вахт идалай вилик “Лезги газетдин” редакциядиз Сулейман-Стальский райондин Герейханован хуьре яшамиш жезвай Гьасанова Муминат Къурбанмегьамедовнадилай агъадихъ галай манадин чар атана:

“Гьуьрметлу “Лезги газетдин” редакция! Зун СССР авай вахтунда депутат тир. Гьукумат чкIайла, 1992-йисуз, зун пенсиядиз экъечIна.  Гайи пенсиядал рази яз, мад за кIва­лахнач. А вахтарилай инихъ пенсия са тIимил хкаж хьанва. 2018-йисуз за пенсия ихьтин кьадарда аваз къачуна: январь — 7006, февраль — 7342, март — 7342, апрель — 7342, май-7692, июнь — 8041, июль — 8041, август — 8041, сентябрь — 8036, октябрь — 8035, ноябрь — 7680  (федеральный бюджетдайни 673 манатни 63 кепек) манат. Вучиз виридан пенсия хкаж жедайла, зи пенсия тIимил хьанватIа, зи кьил акъатзавач. Месэладай кьил акъудун патал зун райондин агьалияр яшайишдин рекьяй таъминардай управленидиз фена, амма заз тамам жаваб ганач. ТIалабда и месэладай кьил акъудун, зал дуьз жаваб агакьарун”.

Редакциядин  патай.

Гьуьрметлу Муминат Къурбанмегьамедовна!

Чна куь чар талукь идарадиз — Россиядин Пенсийрин Фондунин Дагъустанда авай отделенидиз рекье туна. Анай чав ихьтин жаваб агакьна:

“1942-йисуз дидедиз хьанвай Гьасанова Муминат Къурбанмегьамедовна, 50 йис тамам хьайила (1992-йи­суз), 5 аял аваз хьуниз килигна, пенсиядиз экъечIна. 1993-йи­салай инихъ адахъ ганвай страховой  взносар авач. Пен­сиядиз экъечIдай вахтунда адан мажибни лап гъве­чIиди тир. Идалай гъейри, Муминат Къурбанмегьамедовнадиз агьалияр яшайишдин рекьяй хуьдай управленидай 2211 манатни 11 кепек алава пул хгузва. 2019-йи­­сан 1-январдиз адан пенсиядин (7500 манатдал алава пул 2211 манат эхциг хъувурла) кьадарди 9712 манат тешкилзава. Им (яни и кьадар пенсия) Да­гъустанда яша­­­миш хьун патал чарасуз герек тир пулунин кьадардилай (къенин юкъуз- 8680 манат)  артух тирвиляй адаз федеральный бюджетдай гузвай алава пул акъвазарна­ва­.

Месэладин патахъай дуьм-дуьз делилар адаз ПФР-дин РД-да авай управленидин Сулейман-Сталь­ский райондин пенсийрин фондунай мадни дериндай чирун меслятзава”.


Всего просмотров: 24

Читайте также: