Загранпаспорт гьикI къачуда?

Икьван чIавалди загранпаспорт къачун патал инсанар четинвилерал ацалтзавайтIа, гила и къуллугъ республикадин гьар сана кардик квай МФЦ-дин идарайривайни кьилиз акъудиз жезва. И паспорт къачуз кIанза­вай­буру МФЦ-диз агъадихъ галай документар гъун лазим жеда:

—           РФ-дин паспорт;

—           загранпаспорт (эгер дегиш хъийизватIа);

—           1 шикил (3х4);

—           СНИЛС;

—           18-27 йисан яшда авай итимри военный билет (эгер аваз хьайи­тIа);

—           аскервиле къуллугъ тавун­вай­буру военкоматдай справка;

—           дишегьлийри эвленмиш хьунин гьакъиндай шагьадатнама (эгер эвленмиш хьанватIа);

—           госпошлина гайивилин документ (госпошлина МФЦ-дин идарадани гуз жеда).

Госпошлинадин  кьадар

Эгер загранпаспорт чIехи инсанриз къачузватIа, госпошлинадин кьадар 5000 манат я, 14 йисан яшдив агакь тавунвай аялриз ятIа — 2500 манат.

Къейд ийин, эгер пошлина “Гос­услуги” порталдин куьмекдалди гуз хьайи­­тIа, ватандашриз 30 процентдин кьезилвал жеда. Месела, эгер пор­талдин куьмекдалди гайитIа, чIехи инсанри — 3500 манат, 14 йисан яшдив агакь тавунвайбуру 1750 манат гун бес жеда.

Винидихъ къалурнавай къиметрихъ къачур загранпаспорт адан сагьибдивай 10 йисан муддатда ишлемишиз жеда. Загранпаспорт тахминан са вацран муддатда гьазурда.

«Лезги газет»


Всего просмотров: 93
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире