Яран сувариз гьазур жезва

Къе, 13-февралдиз, «Кьурагь район» МР-дин кьил Замир Азизова Яран сувариз талукь мярекатриз гьазурвал акунин гьакъиндай тешкиллувилин комитетдин заседание кьиле тухвана. Идакай «Лезги газетдиз» райондин администрациядин пресс-къуллугъди хабар гузва.

Райондин кьили заседанидин иштиракчияр мярекатрин пландихъ галаз танишарна. Адан бинедаллаз, 21-мартдиз райондин центрадин спортдин дараматда спортдин милли жуьрейрай ва волейболдай акъажунар кьиле тухуда.

Абурулай гъейри, райондин медениятдин дараматда ва чIехи хуьрера Яран сувариз талукь концертар ва спортдин акъажунар тешкилда.

Гзаф инсанар кIватI жезвай чкаяр, хатасузвал таъминарун патал райондин ОМВД-дин дестеди дружинникрихъ галаз санал йифизни, юкъузни гуьзчивилик кутада.

Малум хьайивал, халкьдин рикI алай Яран суварин кьилин мярекат 21-мартдиз райцентрадин гегьенш майдандал тешкилда. Суварин мярекатра иштиракун патал ЮТО-дин вири районрайни хуьрерай мугьманриз теклифнава.

«Лезги газет»


Всего просмотров: 31

Читайте также: