Махачкъалада яшамиш жезвай,  вичи яргъал йисара­ инсанриз, тIазвай сарар сагъариз, цIийибур эхцигиз, къуллугъзавай духтур

Абдуллагь Байрамович Байрамоваз:

ТIар тахьурай са касдинни сарар, дуст

Квахьда, валлагь, вири крар, нурар, дуст:

Амукьдач жез гьич са ферлу мярекат,

Гъиляй фида гьерекатни берекат.

 

Амма къведа чи устад хва куьмекдиз,

Пай ганвайди вичиз ЧIехи Фелекди.

Суьгьуьрчийри — хехини, сантуни

Нур хкида ви квахьнавай бахтуниз!

 

— Гъилер сагърай! — алхиш къведа мецелай,

Незуьр кими тахьурай ви тIварцIелай,

Ви утагъра зайиф тежер рагъ хьурай,

Сагъ хьурай вун! Сагъ хьурай­ вун! Сагъ хьурай!..

 

Ви 65 йисан юбилей тебрикзавай Мерд Али, адан хизанар, ярар-дустар, багърияр.