Къачузвай къазанжидин дережадилай, аялрин кьадардилай аслу тушиз, аял хайила, садра гузвай пулунин такьатар уьлкведин вири хизанриз талукь я.
Са сеферда гузвай пособие гьар са аялдиз тайинарзава. Са аялдай — 24,6 агъзур манат, кьве аялдай — 49,2 агъзур манат, пуд аялдай — 73,8 агъзур манат.
И такьатар къачун патал аял хайидалай кьулухъ 6 вацралай геж тушиз документар къалурун герек жеда.
Эгер диде-бубадикай сада кIвалахзаватIа, аялдиз талукь садра гузвай такьатар кIвалахзавай чкадай тайинариз жеда. КIвалахдик квачир диде-бубайривай и пособие «Зи Документар» (МФЦ) центрада ва я Россиядин Яшайишдин фондуна тайинариз жеда.
Ихьтин документар истемишзава:
диде-бубадин паспортар;
аял хайивилин гьакъиндай шагьадатнама;
эвленмиш хьанвайвилин гьакъиндай шагьадатнама, бубавал тайинарунин гьакъиндай шагьадатнама;
диде-бубадикай нин кIвачихъ тайинарзаватIа, гьадан банкунин реквизитар;
хизанда авай вирибурун СНИЛС-ар.
Пулунин такьатар СФР-ди 10 йикъалай артух тушир муддатда агакьарзава.
«Лезги газет»
