"ЭНЕРГЕТИК" санаторийдин акунар

Вучиз кIеве твазватIа?..

Гьуьрметлу “Лезги газетдин” редакция!

Куьн инжиклу ийизвайди Мегьарамдхуьруьн райондин Ярагъ-Къазмайрин хуьряй тир пенсионер, зегьметдин ветеран, муаллим  Ибрагьимов  Шамсуддин  Мегьамед-Небиевич  я. Куьне чи патай чими тир саламар кьабула. Газетдин коллективдихъ сагъ­вал­, бахтлувал хьун чи мурад я. “Лезги газетдикай” зун хьтинбуру са куьмек хьуник умуд кутунва. Гьавиляй зун редак­циядиз чар рекье твадай фикирдал атана…

Кардин гъавурда тун патал за жувакай куьрелди суьгьбетда. Армияда за Виница ше­гьерда къуллугъна. Къуллугъдайла заз гьазурлухвилин курсара кIел­­дай мумкинвал хьана. 1961-йисан 15-май­диз СССР-дин Минис­тр­рин Советдин Указдалди зун вахт акьал­тI­дал­ди Махачкъаладиз университетдиз ­рекье туна. Имтигьанар вахкана, чун 18 студент, “СССР-дин халкьарин арада дуствал” лишандик кваз, Да­гъустандай Майкоп шегьердин педуниверситетдиз ра­къурна. 1966-йисуз анаг куьтягьна, Да­гъустандиз хтана. Анлай инихъ, 2016-йисан сентябрдалди за Ярагъ-Къазмайрин СОШ-да кIва­лахна. Санлай къачурла, 50 йисуз аялриз чирвилер ва тербия гана. Гатуз, июлдин вацра, отпускда авайла, заз инсульт хьана, исятдани кефияр пайгарзавач…

И чар кхьиниз зун чара атIайла мажбур хьана. 50 йисуз чан эцигна школада аялрал зегьмет чIугур муаллим гила инсульт хьайила гадардани?! Мегьарамдхуьруьн райондин центральный больницадиз духтуррин патав фейила за абурувай Каспийск шегьерда авай “Энергетик” санаторийдиз, ана инфаркт ва инсульт хьайи ксариз куьмек гудай отделенияр хьуниз килигна, меднаправление гун тIалабна. Больницадин кьилин духтур Гьажибала Беглерова заз аниз меднаправление гузвач ла­гьана.

Зунни чи хуьряй тир инсульт хьанвай мад са жегьил гада, Махачкъала шегьер­дай таниш тир са касдиз са кьадар пул гана, направленияр туь­кIуьр­на, 14 юкъуз Каспийск ше­гьер­да санаторийда хьана. Чаз ина лазим­ тир вири процедураяр авуна. Чун ял яна хтана. Са­на­торийда авайбур вири кьуьзуь хьанвай, чпиз азарри тади гузвай итимарни дишегьлияр тир. Чна райондай направленияр гузвач, чна иниз атун патал пул ганвайдакай лагьайла, абур тажуб хьанвай. ТIалабда редакцияди и месэладиз фикир гун, себеб чирун. Йи­са садра кьванни гьа санаторийдиз фидай мумкинвал хьуник чна кIеве­лай умуд кутазва…

Редакциядин  патай:

Месэладай кьил акъудун патал чна Мегьарамдхуьруьн райондин центральный больницадин кьилин духтур Гьа­жибала Беглерован тIва­рунихъ чар ­рекье туна. Са шумуд йи­къан вилик чав ада ихьтин жаваб агакьарна. Ана ­кхьен­­ва:

 “Гьуьрметлу редакция!

Квез Мегьарамдхуьруьн райондин Ярагърин хуьряй тир муаллим Ибрагьи­мов Шамсуддин Мегьамед-Небиевича рекье тунвай “Са­на­торийдиз меднаправление ганач”, арзадиз чаз ихьтин жаваб гуз кIан­зава:

“2018-йисан июлдин эхирдай Ме­гьарамдхуьруьн райондин Ярагъ­рин хуьряй тир муаллим Ибрагьимов Шамсуддин Мегьамед-Небиевич Мегьарамдхуьруьн ЦРБ-дин дух­тур – неврологдин приемдиз ам­бу­латорный къайдада са­гъа­рунин пата­хъай атанай. Духтурди вичин лазим меслятар гайидалай ва дар­ма­нар кхьейдалай кьулухъ Ш.М. ­Ибрагьимова вичиз Каспийск шегьерда авай “Энергетик” санаториядиз физ кIан­зава лагьанай. Духтурдиз а санато­рий­­да чкаяр авани, авачни чирун хъсан акуна. Чирайла санаторийда алай вахтунда кьабулзавач лагьай жаваб гана. Духтурди Мегьа­рамд­хуьруьн ЦРБ-диз Махачкъа­лада авай “Тарнаир” ва “Кас­пий” санаторийриз путев­ка­яр гудай мумкинвални ава ва анра кьа­бул­ни ийизва лагьайла, Ш.М.Ибрагьи­мов а санаторийриз финал рази хьаначир”.


Всего просмотров: 32

Читайте также: