Ватан патал чан гайи хпитIарви кьегьалрин сиягьдай

Фашистрин Германияди чи уьлкведал хабарсуз гьужум авурла, Кьасумхуьруьн райондин хуьрерайни агъзурралди жегьилар ва чагъинда авай итимар Ватан душмандикай хуьз фронтдиз фена. Абурукай гзафбуруз элкъвена хтун кьисмет хьанач. Бязибур гел галачиз квахьна, садбуруз гъурбатда сурар кьисмет хьана. Амма несилрин рикIера абур эбеди яз амазма. Агъадихъ галай кьегьаларни Ватандин ЧIехи дяведин женгерин къурбандар я.

Абдуллаев  Абдулагъа, 1915-й.х. 1941-йисуз армиядин жергейриз фейи ам 1943-йисан 7-мартдиз телеф хьана.

Абдуллаев  Абдуллагь, Кьасумхуьруьн РВК-дай рекье тур ам, жергедин аскер, гел галачиз квахьна.

Агъабегов  Шафи, 1917-й.х. 1939-йисуз армиядин жергейриз  фейи ам 1942-йисан августдиз гел галачиз квахьна.

Агъарзаев  Абубуслим, 1893-й.х. Жергедин аскер, 1943-йисан 10-сентябрдиз телеф хьана. Ам Краснодарский крайдин Крымский райондин Небержаевский станицадивай 5 километрдин яргъа кучукнава.

Аллагькъулиев  Шигьимердан, 1917-й.х. 1942-йисан 2-февралдиз телеф хьайи ам Донецкий областдин Артемовский райондин Федоровка хуьре кучукнава.

Алдеров  Абдулагъа, 1917-й.х. 1941-йисуз фронтдиз фейи ам телеф хьана.

Аликберов  Иса, 1915-й.х. 1939-йисуз армиядин жергейриз фейи ам 1942-йисан майдиз гел галачиз квахьна.

Агьмедханов  Къази, 1919-й.х. 1942-йисуз фронтдиз фейи ам телеф хьана.

Ашимов  Селим, 1914-й.х. 1941-йисуз армиядин жергейриз тухвай ам жергедин аскер яз телеф хьана.

Бабаев  Ширинбег, 1916-й.х. армиядин жергейриз фейи ам гел галачиз квахьна.

Гьамидов  Халид, 1907-й.х. 1941-йи­суз фронтдиз фейи 175-нумрадин саперрин бригададин жергедин аскер 1943-йисан 25-февралдиз залан хирерикди телеф хьана. 2405-нумрадин ХППГ-да (чуьлдин госпи­таль) чан гана. Ам Тульский областдин Арсеньевский райондин Мощевка поселокдин стхавилин сурара фаракъатнава.

Гьашимов  Селим, 1914-й.х. 1941-йисуз Кьасумхуьруьн райвоенкоматдай эвер гана. Жергедин аскер яз телеф хьана.

Жабраилов  Якьуб, 1920-й.х. жергедин аскер, гел галачиз квахьна.

Ибрагьимов  Керимхан, 1918-й.х. жергедин аскер, гел галачиз квахьна.

Ибрагьимов  Межведил, 1919-й.х. жергедин аскер 1944-йисан 2-августдиз телеф хьана. Карелия Республикадин Муопла поселокда кучукнава.

Ибрагьимов  Мусахан, 1911-й.х. жергедин аскер. 1942-йисан 7-декабрдиз телеф хьайи ам Краснодарский крайдин Кавказский райондин Расцвет хуьре кучукнава.

Ибрагьимов  Якьуб, 1916-й.х. 1943-йи­­суз армиядиз тухвай ам гел галачиз квахь­на­­.

Исабегов  Балафенди, 1910-й.х. 1942-йисуз гуьгьуьллувилелди армиядин жергейриз фейи Кьурагь райондин комиссар, гв.старший лейтенант 1943-йисан 18-августдиз телеф хьана. Адаз Ростовский областдин Куйбышевский райондин стхавилин сурар кьисмет хьана.

Исмаилов Умар, Кьасумхуьруьн РВК-ди эвер гана. Ст.сержант 1944-йисан 16-январдиз телеф хьана. Ам Новгородский райондин Вешки хуьре кучукнава.

Къазиев  Агьмед, 1900-й.х. 1942-йисан сифте кьилерай армиядин жергейриз фе­йи ам гьа йисан июлдиз гел галачиз квахьна.

Мегьамедов  Абдул, 1921-й.х. Къизилюрт шегьердин военкоматдай эвер гана, жергедин аскер 1942-йисан 6-сентябрдиз СОАССР-дин Моздок шегьердин патарив гел галачиз квахьна.

Мегьамедов  Абукар, 1921-й.х. 1942-йисуз армиядин жергейриз фена, жергедин аскер 1942-йисан апрелдиз (июндиз) гел галачиз квахьна.

Чи мухбир


Всего просмотров: 27

Читайте также: