ЦIукай хвена

Мегьарамдхуьруьн райондин Гилийрин хуьряй тир 45 йисан яшда авай Мариф Балабегова авур игитвилин кардикай гзафбур рахазва. Бубадини хци кьве аял галай дишегьли цIукай хвена. Идакай «Лезги газетдиз» «Лезгияр» милли порталди хабар гузва.

Январдин вацра, йифен вахтунда, Мариф Балабеговаз къуншидин кIвали цIай кьунвайди акуна. Тади гьалда 21 йисан яшда авай вичин хва Мирзежаназни эверна, абур кьведни куьмек гуз фена. Рак яна хкудна, гумадив ацIанвай кIваляй абуру Алжана ва адан рушар тир Фатимани Илита ахкъудна.

Балабеговаз цIай кьунвай кIвал вахтунда акуна. Эгер са тIимил геж хьанайтIа, пуд инсандикай ибарат хизан къутармишиз хъжедачир. КIвал тамамвилелди кана. Дишегьлини аялар къутармишайдалай кьулухъ цIай хкадардайбурун дестедиз ва «тади куьмекдиз» эверна.

«Лезги газет»


Всего просмотров: 23

Читайте также: