Теклифар гуьзетзава

И йикъара РД-дин экономикадин ва мулкар виликди тухунин министерстводи мад са серенжемдиз талукь яз “Чкайрилай теклифар” проектда иштиракун па­тал арзаяр кьабулиз башламишнава.  И проект  муници­­­паль­ный тешкилатрай (чкайрилай) къвезвай тек­ли­фар, лазим субсидияр чара авуналди, кьилиз акъу­дун­­ патал  конкурсдин бинедаллаз хкягъуниз та­лукьди я.

Чкайрилай къвезвай теклифар уьмуьрдиз кечир­мишунин проектдин  макьсад хцидаказ акъвазнавай бязи месэлаяр  муниципалитетрин ва агьалийрин куьмекдалди гьялун я.

Муниципальный тешкилатрилай къвезвай  про­ектар  жемятди ишлемишзавай къурулушрин, гьа ­жергедай яз аваданламишунин, культурадин, ЖКХ-дин, целди таъминарунин, чиркин ятар лазим къайдада къерехдиз акъудунин объектрин, хуьрерин ше­гьре рекьерин, аялрин ва спортдин майданрин ва икI мад  гьал хъсанарунихъ элкъуьрнавайбур хьун лазим я.

Конкурсда иштиракунин асул шартIарикай сад чкайрилай къвезвай теклифрин  проектриз, гьукуматди гузвай такьатрихъ галаз сад хьиз, муниципальный тешкилатдин бюджетдай такьатар чара авун ва меценатрин (гуьгьуьллудаказ мергьяматлу рекьиз пул гузвайбурун) иштираквал хьун я.

Конкурсда иштиракун патал арзаяр неинки муниципальный тешкилатривай, гьакI хуьрерин (шегьеррин) администрацийривайни кьабулда.

Конкурсда иштиракун патал документар РД-дин экономикадин ва мулкар виликди тухунин министерстводив агакьарун лазим я. Гьелелиг авай делилралди, арзаяр  2020-йисан 15-апрелдалди кьабулда.

Агъуз аватна

Республикада агьалийриз  яшайишда ва я майишатда лазим шейэр нагъд пулунихъ кура-кура маса гунин нетижада жезвай къазанжийрин кьадар алатай йисуз  1,9 процентдин агъуз хьана.

Государстводин статистикадин  Дагъустанда авай органдай хабар гузвайвал, алишверишдин санлай къачур кьадар 393 миллиард манатдилай 743 миллион манатдал кьван аватнава.

Дагстатдин делилралди, шейэр маса гунин гьерекат яваш хьунин  себеб  базарра ва ярмаркайра кура-ку­ра маса гузвай шейэрин кьадар тIимил хьун я.

Къейд ийин,  агьалийриз  лазим шейэр  кура-кура ма­са гунин нетижада жезвай къазанжийрин кьадар   гъве­чIи ва юкьван карчивилин вири субъектриз талукь яз гьисабзава ва тамам рекъемралди къалур­зава.

Жасмина Саидова


Всего просмотров: 35
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире