Сулейманаз

Акьул-камалдин иеси,

Зегьметчи халкь, Ватан кlани,

Къад  асирдин “Гомер” хьайи

Чlаларин  заргар, Сулейман!

 

Дагъдин чешне, булах я куьн,

Дагъустандин дамах я куьн,

Агъуз тежер бапlах я куьн,

Рекьин тийир тlвар, Сулейман!

 

Яхцlурни цlуд, вишни галаз,

Йисар фенва халкь вав рахаз,

Хвена гьар са цlарни аваз,

Ийизва тикрар, Сулейман!

 

Хкажна зегьметдин бегьер,

Негь авуна гьахъсузвилер,

Квез акур кьван четинвилер,

Амач а вахтар, Сулейман!

 

Къелем  гвачиз, рикlе хвейи,

Ядигарар пак я халкьдиз,

Шииратдин югъ куь хайи

Хьанва шад сувар, Сулейман!

Имирхан  Айдаев, Эминхуьруьн умуми юкьван школадин 8-классдин ученик


Всего просмотров: 25

Читайте также: