Санкт-Петербургдай — пешекарар

КIвалахун патал Санкт-Петербургдай Дербентдиз виниз тир пешекарвал авай 7 кас духтурар къведайвал я. Идан гьакъиндай нубатдин совещанидал Дагъустандин Кьил Владимир Васильева малумарна.

Республикадин руководителди лагьайвал, Россиядин кеферпатан меркездай тир пешекарриз кIвалахдай лазим тир шартIар яратмишда. “Им чун патал лап итижлу кар я. Пешекаррихъ галаз меслятар авун патал гила Санкт-Петербургдиз финин чарасузвал амукьдач”, — къейдна В.Васильева ва хъсан пешекарар гьазурун патал цIуд йисаралди вахт серф авун герек къвезвайдини алава хъувуна.

Республикадин руководителди багъри ерийрин сергьятдилай яргъара яшамиш жезвай, гьа са вахтунда республика вилик тухунин кардик чпин пай кутаз лап рикIивай  алахъзавай ватандашриз сагърай лагьана.

Идахъ галаз сад хьиз ада къейд авурвал, республикада медицинадин кадрийрин патахъай дарвал ава, хуьрерин чкайра и месэла иллаки хцидаказ­  акъвазнава.  Владимир Васильева республикадин властдин органриз гьалар пайгардик кутун патал мумкинвилер, такьатар жагъуруниз эвер гана.

«Лезги газет»


Всего просмотров: 30

Читайте также: