РикIел хуьнин лишан яз

7-ноябрдиз Мегьарамдхуьруьн районда къенепатан крарин къуллугъдин рекьяй везифаяр тамамардайла телеф хьайи къуллугъчийрин къаматриз бахшнавай монумент ачухна. Идакай “Лезги газетдиз” муниципалитетдин администрациядин пресс-къуллугъди хабар гана.

Монумент ачухуниз талукь мярекатда иштиракун патал Мегьарамдхуьруьн райондиз Дагъустан Республикада авай къенепатан крарин министр, полициядин генерал-лейтенант Абдурашид Мегьамедов атанвай.

Мярекат ачухдайла, Мегьарамдхуьруьн райондин кьил Фарид Агьмедова РД-дин къенепатан крарин министрдиз райондин баркаллу чилел атунай сагърай­ ла­гьана ва мярекатдин важиблувал къейдна.­

Абдурашид Мегьамедова вичин рахунра инсан патал виридалайни четинди  багъри кас къакъатун тирди ва и карда анжах абур рикIел хуьни куьмекдайди къейдна. “Абурун экуь къаматар чи рикIера амай кьван абур яшамишни жезва”, — лагьана ада.

Монумент ачухун МВД-дин министр А.Мегьамедовал ва райондин кьил Ф.Агь­медовал ихтибарна. Идалай гуьгъуьниз МВД-дин кьили полициядин къул­лугъчийрив шабагьар вахкана. Шко-лада кIелзавай аялри мярекат мадни абурлу авуна.

Эхирдай РД-дин къенепатан крарин министр Абдурашид Мегьамедова, Мегьарамдхуьруьн райондин кьил Фарид Агьмедова, райондин суддин предсе­датель Энжела Исмаиловади, тешкилатрин ва идарайринни къуллугърин регьберри Ватандин ЧIехи дяведа телеф хьайи аскеррин памятникдал цуьквер эцигна.

«Лезги газет»


Всего просмотров: 71

Читайте также: