Рамазан Жафарован гуьзчивилик жеда

И йикъара Дербент шегьердин администрацияда РД-дин Гьукуматдин председателдин заместитель Рамазан Жафарова РФ-дин МЧС-дин РД-да авай Кьилин управленидин начальникдин – республикадин МЧС-дин министр Нариман Къазимегьамедован иштираквал аваз совещание кьиле тухвана. Анал Дербентда цIай кьуна кайи кIвал гуьнгуьна хтунин, квартирайриз зарар хьайи агьалияр яшамиш жедай чкадиз куьчарунин месэлаяр веревирдна.

«Дагъустан» РИА чешмеди «Лезги газетдиз» хабар гузвайвал, РД-дин премьер-министр Артем Здунова, Дербентда цIай кьур кIвал гуьнгуьна хтунин месэладал гуьзчивал тухун Рамазан Жафарован хиве тунва.

РикIел хкин, 3-январдиз Дербент шегьерда вад мертебадин кIвалин къав цIай кьуна, кана. Хаталувал арадал атай кIваляй агьалияр вахтунда акъудна. Санлай къачурла, цIай 600 квадратдин метрдин мензилдиз чкIана.

«Лезги газет»


Всего просмотров: 48

Читайте также: