Пепе-носорог

И пепе кIеви лувар квай гьашаратрикай я. Келледал далудихъ кьвечIил хьанвай еке карч алайвиляй ам масабурулай тафаватлу жезва. Пепе-носорогни гьа­виляй лугьузва. Шабалтдин ва я туракь ран­­­гунин и пепедин яргъивилел 25-47 сантиметр кьван жеда. Диши пепейрин келледал жедай карч лап гъвечIиди я. И пе­пе­яр­ гатун чими нянин вахтара гзаф пай­да жеда, мукьвал-мукьвал экв авай лампайрални лув гуда. Абур Европадин (кеферпатан районар квачиз), Кеферпатан Африкадин, Юкьван Азиядин, Кавказдин ва РагъакIидай патан Сибирдин мулкара гзаф чкIанва. РФ-дин са жерге регионра и пепе Яру ктабда тунва.

Пепе-носорогдикай сифте яз 1758-йисуз Карл Линнея малуматар ганай. И жинсиник 40-дав агакьна пепеяр акатзава, абурун гзаф пай Африкадин чими чкайра яшамиш жезва.

ТIебиатда сифтедай карч алай пепе­яр­ гзафни-гзаф тамара яшамиш жезвай. Юкь­ван Азияда ва Къазахстанда лагьай­тIа, и жуьредин пепеяр гьатта дуьзен ва къумлух чкайрани гегьеншдиз чкIанва.

Гьазурайди – Куругъли Ферзалиев


Всего просмотров: 21

Читайте также: