Муьгъ ремонтна

И йикъара Рутул райондин Хъуь­луьдрин хуьруьн жемятди Фулфан вацIал алай муьгъ (вини муьгъ)  ремонтна.

1988-йисуз Фулфан вацIай атай селди хуьруьн кьве пад сад-садахъ гал­кIурзавай кьве муьгъни, колхоздин техникадин са пайни, хуьруьн агьалийрин усадьбаярни тухванай. Хъуь­луьдрин­ куьгьне хуьр авай пад хуьруьн муькуь патахъ галаз авай алакъа атIана амукьай жемят а чIавуз гьакI  ту­начир. Гьукумат­дин­ патай куьмек яз, Фулфан вацIал та­ди гьалда кьве муьгъни цIийи кьилелай эциг хъувунай. Гьа йисара эцигай вини муьгъ къвер­давай куьгьне хьана, къайдадикай хкатнавай. ТIекве­нар акъатна,  маларин (хуьруьн  нехирар, инсанар, машинар гьа и муькъве­лай гьар юкъуз физва), инсанрин, иллаки аялрин кIвачер аватай дуьшуьшарни хьана.

И татугай гьал аквазвай  хуьруьн администрациядин кьил Агъамирзоев Геннадий секиндиз ацукьнач. Ада вичин ва хуьруьн­ жемятдин такьатралди муьгъ лап хъсандиз туькIуьр хъувуна.

Чаз гьакъисагъвилелди  кIвалахай жемятдиз,кьилди къачур­тIа, стхаяр тир Надир ва Фидель Акимовриз, Шабан Абдурашидо­ваз, Сажидин Къурбановаз, Арман Наврузоваз, Агъакерим  Гафароваз, ТIалут  ТIалутоваз, мискIиндин имам Сабир Магьмудоваз, чпин гъилихъ галай садакьа гайи ТIажиб Якъубоваз, Маузар Жамаловадиз ва масабуруз сагърай лугьуз кIанзава. Къуй муькъуь жемятдиз яргъал йисара къуллугърай!

С.-А. Абдурашидов


Всего просмотров: 47

Читайте также: