Министрди Малик Агьмадоваз куьмек хиве кьуна

Дагъустандин зегьметдин ва яшайишдин рекьяй вилик финин министр Изумруд Муьгьуьтдинова Малик Агьмадован диде Эрзи Агьмадовадихъ галаз гуьруьшмиш хьана. Идакай «Лезги газетдиз» министерстводин пресс-къуллугъди хабар гузва.

Малик Агьмадова авур кьегьалвал вири уьлкведиз малум я. Саки кIуьд йис идалай вилик, вичин сагъламвилиз зарар хьунихъайни кичIе тахьана, и жегьилди Каспи гьуьле батмиш хьайи руш кьиникьикай къутармишнай. Амма вич, сагъламвилиз писдаказ зарар хьанвай гьалда аваз, цяй ахкъуднай. А чIавалай инихъ Малика вичин сагъламвал пайгардик кухтазва.

Министр И. Муьгьуьтдиновади и мусибатдин вакъиа арадал атай сифте йикъалай Агьмадоврин хизандиз куьмек ганай. А чIавалай инихъ ада и хизандихъ галаз дуствал хуьзва. Гуьруьшмиш хьайи вахтунда Эрзи Агьмаовади Маликан сагъламвилин гьалдикай ихтилатна. Малум хьайивал, алай вахтунда ам сагъламвал хъсанарун патал Дагъустандилай къецепата авай махсус центрадиз фин герек я. И.Муьгьуьтдиновади и месэладин жигьетдай куьмек гун хиве кьуна.

— Малик халис игит я, — лагьана министрди. – Са мус ятIа ада инсан къутармишна, гила чна Малик вич къутармишун лазим я. Им чи хиве авай везифани я, — алава хъувуна Изумруд Муьгьуьтдиновади.

«Лезги газет»


Всего просмотров: 13

Читайте также: