Михьивилериз — артух фикир

29-ноябрдиз РД-дин Гьукуматдин Председатель Артем Здунован тапшуругъдалди Сулейман-Стальский районда  муниципалитетдин мулкар михьивилерин къайдарал амал авунин жигьетдай авай гьалдиз талукь месэлайрай совещание кьиле тухвана. Ана РД-дин жегьилрин крарин рекьяй министр Камил Саидова, райондин кьилин везифаяр тамамарзавай Лацис Оружева, архитектурадин, эцигунрин ва ЖКХ-дин отделдин начальник Виталий Алисенова, Кьасумхуьруьн администрациядин кьил, райондин кьилин заместитель Аким Жаватова, “Кьасумхуьр — сервис” ООО-дин руководитель  Гъалиб Фатахова, РД-дин Роспотребнадзордин Дербент ше­гьер­да авай территориальный отделдин  векилди иштиракна.

Совещание ачухай Камил Саидова  къейд авурвал, республикадин властри муниципалитетра санитариядин жигьетдай авай гьалариз, агьалияр экологиядин жигьетдай тербияламишунин месэлайриз еке фикир гузва.

“Санитариядин жигьетдай авай гьалар гьихь­тинбур ятIа ахтармишунин мураддалди ис­­­полни­тель­ный властдин вилик-кьилик квай ксар вахт-вахтунда районриз физва. Къе чна зир­зибил гадардай хъуртар  авай гьалдиз, зирзи­бил­дикай хуьрерин мулкар михьи авунин, экологиядин жигьетдай тербия гунин жигьетдай авай гьалариз къимет гун ва тайин тир серенжемар кьабулун герек я”, — лагьана Камил Саидова.

Яшайишда арадал къвезвай кIеви амукьаяр махсусдаказ тайинарнавай чкайриз акъу­дунин ме­сэла рай­ондин вилик хцидаказ акъвазнава. Ла­цис Ору­­же­ва къейд авурвал, пудратдин орга­ни­­зация­­­дин вилик буржлу хьунин, махсус тех­ни­ка бес­ тахьунин­ нетижада яшайишда арадал къвез­вай кIеви амукьаяр вахт-вахтунда махсус­ чкайриз акъудиз тахьуни татугай нетижайрал, райондин агьалийрин патай наразивилерал гъун мумкин я.

Гуьруьш кьиле физвай чIавуз райондин хуьрер целди таъминарунин кIвалах тешкилунин месэлаярни къарагъарна.

Совещанидин эхирдай Камил Саидова муниципальный райондин администрациядивай районда санитариядин жигьетдай авай гьалариз­ талукь справка агакьарун тIалабна. Идалай­ гуьгъуьниз республикадин жегьилрин ведомстводин кьил зирзибил вахтуналди кIватIнавай чкайриз, абур авай гьалдиз килигна.

Къейд авун лазим я хьи, РД-дин Гьукуматдин Председатель Артем Здунован тапшуругъдалди санитариядиз талукь месэлайрай  совещанияр исполнительный властрин органрин руководителри вири муниципальный тешкилатра кьиле тухузва.

«Лезги газет»


Всего просмотров: 56
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире