Мектебрин месэлаяр веревирдна

И йикъара Мегьарамдхуьруьн райондин администрациядин дараматда райондин кьил Фарид Агьмедова мектебрин директоррин ва хуьрерин администрацийрин кьилерихъ галаз нубатдин совещание тухвана.

«Лезги газетдиз» райадминистрациядин пресс-къуллугъди хабар гайивал, анал республикадин «100 мектеб» проект районда уьмуьрдин кечирмишунин гьакъиндай веревирдер авуна.

Мярекатда райондин кьилин сад лагьай заместитель Гьабибуллагь Мурадалиева ва райондин депутатрин Собранидин председатель Назир Алиярова иштиракна.

Райондин кьили РД-дин кьил В.Васильеван теклифдалди 2018-йисалай кардик кутунвай «100 мектеб» проектдин сергьятра аваз образованидин идарайрин материалринни техникадин база хъсанардай мумкинвал жезва.

Алай месэладин гьакъиндай райондин кьили совещанидин иштиракчийрин теклифрихъ яб акална ва проектда иштиракдай мумкинвал авай мектебар тайинарна. Къейд авурвал, конкурсда иштиракиз жедайбурукай сад Хъартас-Къазмайрин мектеб я. Инвесторрин еринда стхаяр тир Нагъиеврини куьмекда.

Ф.Агьмедова тIвар кьунвай мектебдин директордиз одразованидин управленидихъ ва ОКС-дихъ галаз санал конкурсда иштиракун патал герек тир вири документар гьазурунин тапшуругъ гана.

Совещанидин нетижаяр кьуналди, райондин кьили къейд авурвал, проектда иштиракдай мумкинвал авай мад са шумуд мектеб ава. Эхирдай ада веревирд авур месэладин гьакъиндай мад садра гуьруьш тешкил хъувунин гереквал авайдакай лагьана.

«Лезги газет»


Всего просмотров: 29

Читайте также: