Мектебрин кьадар артухарда

Алай вахтунда Дагъларин уьлкведа 1460 школа кардик ква. Абурукай 616 школада аялри кьве сменада, 22 школада пуд сменада кIелзава

РД-дин образованидин ва илимдин министерстводин гегьенш коллегиядал министр ва РД-дин Гьукуматдин Председателдин заместитель Уммупазиль Омаровади малумарайвал, республикадин кьилевайбуру 2024-йисалди 80-далай виниз школайрин цIийи дараматар эцигун фикирдиз къачунва. Ида  образованидин 22 идарада пуд сменада кIелунал эхир эцигдай мумкинвал гуда.

— Гьар йисуз школайра кIелза­вай­бу­рун кьадар артух жезвайвиляй чавай пуд лагьай сменада кIелун арадай акъу­диз хьанач,- хиве кьуна У.Омаровади.- Амма и жигьетдай чна хейлин крар авуна. 2018-2019-йисара 12 агъзур аялдиз чкаяр жедай 34 школа эцигна. 2024-йисалди мадни 82 школадин дараматар эцигда. Ида чаз куьгьне, аварийный 42 дараматдай школайрин коллективар цIийи дараматриз акъуддай мумкинвал гуда.

Эхиримжи йисарин делилри къалурзавайвал, гьар йисуз мектебра кIелза­вай­бурун кьадар 3% артух жезва­. Къведай йисарани республикада гьа ихьтин гьал амукьда. ЦIи чи шко­лай­ра кIелза­вай аялрин кьадар 417 агъзурда­лай­ алатнава. Гьа гьисабдай яз аялрин бахчайрай школайрин 1-классриз 52,6 агъзур аял атанва.

РД-дин образованидин ва илимдин ми­нистерстводай “Лезги газетдиз” хабар гайивал, цIийи школайри алава яз 30 агъзур аялдиз са сменада кIелдай мумкинвал гуда.

«Лезги газет»

 

 


Всего просмотров: 45
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире