Мегьарамдхуьруьн районда рекьер хъсанарунин кlвалахар давамарзава

Мегьарамдхуьруьн районда хуьрерин къенепатан рекьер хъсанарунин кlвалахар давам жезва. Идакай «Лезги газетдиз» Мегьарамдхуьруьн райондин администрациядин пресс-къуллугъди хабар гузва.

И мукьвара райцентрадин кар алай рекьера къир цунин кlвалахар кьилиз акъудна. Мегьарамдхуьруьн Буйнакскдин куьчеда ЦРБ ава, адан сергьятра поликлиникани кардик ква. Идалай вилик поликлиникадихъ фидай рехъни ремонт авунай. Хъсан гьавадин шартlарикай менфят къачуналди, рекьер ремонт авунин пешекарри администрациядин буйругъар вахтунда кьилиз акъудзава. Ленинан тlварунихъ галай куьче ремонт авунин кlвалахар гьеле 2017-йисуз тамамарнай. Къейдна кlанда хьи, ЦРБ-да ва поликлиникада неинки Мегьарамдхуьруьн райондин, гьакl къунши районрин агьалийризни медицинадин рекьяй къуллугъ ийизва.

Къейдзавайвал, рекьер къайдадик кутунин кlвалахар мадни давамарда.

«Лезги газет»  


Всего просмотров: 35

Читайте также: