Квез чидани?

Шоколадрин кIунтIар

Филиппинрин мулкара “Шоколадрин кIунтIар” тIвар алай ажайиб чка ава. Уьлкведин Бохоль вилаятда 50 квадратдин километрдин майдандал 1776-дав агакьна кIунтIар экIя хьанва. Абурун винел пад къацу векьери кIевнава, амма кьурагьвилер хьайи муддатда кIунтIарин винел патан акунар шуьтруь рангуниз элкъвезва, Шоколадрин кIунтIар лагьай тIварни и делилдихъ галаз алакъалу я.

ТIебиатдин и аламатдин чка туристар патал фикир желбдай, килигуниз лайих тир чка я. Туризмдин хиле и кIунтIар Филиппинрин лап важиблу объектрин сиягьда ава. Уьлкведи ам вири дуьньядин ЮНЕСКО-дин ирсиник кутун теклифнава.

Са бязи чешмейри къейдзавайвал, Шоколадрин кIунтIар арадал атунихъ галаз алакъалу сирдай кьил акъудун патал алимри чпин кьилер чи йикъарани кукIварзава. Чкадин эллерин арада абурухъ галаз  алакъалу бязи риваятарни чкIанва.

Геологрин фикирдалди, кIунтIар гьуьлуьн киреждин къванери арадал гъанва. Абурун кIалубарни сад хьтинбур я — кьакьанвал 30-50 метрдикай ибарат я.

«Лезги газет»


Всего просмотров: 38
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире