Квез чидани?

Готфрид  Гьасанов  –  советрин компо­зи­тор. Ам 1900-йисуз Дербент шегьерда диде­диз­ хьана. РСФСР-дин искусствойрин ла­йих­лу дея­тель­ (1960), Сталинан 2 пре­мия­дин сагьиб (1949, 1951), Дагъустандин сад лагьай опера­дин­ автор­ я. Г.Гьасанов Да­гъустандин авазрин медениятдин сифте векилрикай ва урус, классикадин эсер­рин авазрин­ таблигъатчийрикай сад я. Ам Да­­гъус­тандин композиторрин Союздин бине эцигайди я. Готфрид Алкьвадар Гьаса­нан хтул ва шейх Мегьамед Ярагъвидин сихилдин векил я.

Дагъустан ва Азербайжан Россиядик­ эке­­­чIайдалай кьулухъ кьакьан дагъларин Къуруш, Кьурагь, Кьуьчхуьр ва маса хуьрерай лез­гияр, мадаратдин жигьетдай хийирлувал фикирда кьуна, къерехрив гвай районриз куьч хьана ва абуру са жерге цlийи хуьрерин бине кутуна­.

Лезги устlарри арадиз гъайи затlар – чlичl авай ва чlичl авачир гамар, жуьреба-жуьре ­чан­таяр, чувалар, нехишар авай сун гуьлуь­тар­ ранглу, иер нехишралди тафаватлу тир. Га­мар­ кьетlендаказ геометриядин нехишралди гуьр­чегарзавай, чпин кьилин къайдани “фур” (ромб) тир.

1848-йисан 14-сентябрдилай 22-сен­тябрдалди Ахцегь патал Имам Шамилан муь­руьд­ринни Ахцегьа авай урус кьушунрин арада женг кьиле фена. Женг урус кьушунар гъалиб­ хьуналди ва Шамил Самур округдай экъе­чlуналди куьтягь хьана.

Гьазурайди – Куругъли Ферзалиев


Всего просмотров: 86

Читайте также: