Кьвед лагьай чкадал

Алай йисуз Дагъустанда 1991-йисалай инихъ сифте яз 171 агъзур тонндилай гзаф ци­пицIар кIватI хъувунва. Идакай “Лезги газетдиз”­ РД-дин хуьруьн майишатдин ва суьрсетдин ми­нистер­ст­водин пресс-къуллугъди хабар гана.

Виридалайни гзаф бегьер кIватI хъувунвайбурун арада Дербент (55,6 агъзур тонн), Къаякент (28,5 агъзур тонн), Табаса­ран (13,8 агъзур тонн), Мегьарамдхуьруьн (13,6 агъзур тонн), Сулейман-Стальский (10,7 агъзур тонн) ва Къарабудахкент (10,1 агъзур тонн) районар ава.

Министерстводин пресс-къуллугъдин векилди алава хъувурвал, ципицIрин гьялнавай бегьерди 121,4 агъзур тонн тешкилнава.

Къейд ийин, ципицIлухрин майданрал гьалтайла, Россияда Дагъустан­ди кьвед лагьай чка кьазва. Дагъларин уьлкведа ракъинин кагьрабаяр цанвай мулкари 25 агъзур гектар тешкилзава. Сад лагьай чкадал Краснодардин край ала (26 агъзур гектар).

Чи мухбир


Всего просмотров: 49

Читайте также: