Къурбанд сувариз талукьарна

И йикъара Кьурагь райондин центрадин мискIинда, мусурманрин Къурбанд сувариз талукьарна, аялрин межлис кьиле фена. Идакай «Лезги газетдиз» райадминистрациядин пресс-къуллугъди хабар гузва.

Ана гзаф кьадарда аялри, абурун диде-бубайри ва райцентрадин  вилик-кьилик квай дишегьлийри иштиракна. Аялриз бахшнавай межлис, суварин тебрикдин гафар лугьуналди, диндин рекьяй образование авай, мискIиндин къвалав гвай медресадин муаллим Алма Омаровади ачухна ва кьилени тухвана.

Къейдзавайвал, мярекатдин кьилин макьсад акьалтзавай несилриз мусурманрин суварар кIанарунин рекьяй тербия гун тир. Мярекатда иштиракай дишегьлийри нашидар тамамарна. Идалайни гъейри, аялар ва чIехибур патални диндин темадиз талукь конкурсар тешкилна. Аялриз ктабар ва маса савкьатар гана.

«Лезги газет»


Всего просмотров: 48

Читайте также: