Кьурагьрин спортсменри Дагъустандин чемпионатда иштиракна

22-23-сентябрдиз Махачкъалада Е.Исинбаевадин тlварунихъ галай спортдин майдандал «Оборонадиз ва зегьметдиз гьазур я» лишандик кваз Вирироссиядин физкультурадинни спортдин комплекс тамамарунай Дагъустандин 3 лагьай чемпионат кьиле фена.

Чемпионат гьукуматдин деятель А.Даниялов дидедиз хьайидалай инихъ 110 йис тамам хьуниз талукьарнавай.

Акъажунрин иштиракчияр тебрикун патал РД-дин Гьукуматдин председателдин сад лагьай заместителдин везифаяр вахтуналди тамамарзавай Анатолий Къарибов, РД-дин физкультурадинни спортдин министрдин везифаяр вахтуналди тамамарзавай Мегьамед Мегьамедов, Кьурагь райондин кьил Замир Азизов ва масабур атанвай.

И йисуз Кьурагь райондин патай акъажунра 10 спортсменди иштиракна. Санлай лагьайтlа, чемпионатда 400 кьван спортсменди иштиракна.

Акъажунрин сергьятра аваз иштиракчийри жуьреба-жуьре мензилриз чукурунарна, турникрал гьунарар къалурна, алай чкадилай яргъивилихъ хкадарна, лишанар яна ва хейлин маса къугъунар кьилиз акъудна.

“Лезги газет”


Всего просмотров: 50

Читайте также: