Кьурагь райондин кьили Малик Агьмадовахъ галаз гуьруьш кьиле тухвана

И йикъара «Кьурагь район» МР-дин кьил Замир Азизов Малик Агьмадовахъ галаз гуьруьшмиш хьана. 8 йис идалай, 2010-йисуз, Малика Каспий гьуьле батмиш жезвай руш кьегьалвилелди кьиникьикай къутармишна. И гьакъиндай «Кьурагь район» МР-дин официальный сайтди хабар гузва.

2010-йисан 13-июль Агьмадоврин хизан патал мусибатдинди хьана. Жегьил гада 7 декьикьадилайни гзаф вахтунда цин кlаник хьана. Гуьгъуьнлай ам 21 юкъуз Каспийскдин азарханада хьана. Циз хкадарай вахтунда ада вичикай фикирнач. Анжах аял къутармишна кlанзавай!

Къейд ийин, гуьруьшда Маликан диде Эрзи Агьмадовадини иштиракна. Замир Азизова хциз тербия гунай диде-бубайриз чухсагъул малумарна ва пул авай конверт вахкана. Райондин кьили къейдна хьи, Агьмадоврин хизандиз гележегдани райадминистрацияди алакьдайвал пулдин куьмек гуда.

Рикlел хкин, В.Путинан къарардалди Малик Агьмадов «Кьиникьикай къутармишунай» ордендалди къейднава.

“Лезги газет”


Всего просмотров: 24

Читайте также: