Кьурагь район «Шарвили» сувариз гьазур жезва

17-июндиз Кьурагь райондин администрациядин заседанийрин залда хатасузвилин рекьяй райондин кьилин заместитель Альберт Исаеван председателвилик кваз кьиле фейи совещанидал райондин идарайрини тешкилатри алатай гьафтеда кьилиз акъудай тапшуругърин нетижаяр ва гъилевай гьафтеда гьялдай месэлаяр веревирдна.

«Лезги газетдиз» райадминистрациядин пресс-къуллугъди хабар гайивал, совещанидал килигай кьилин месэлайрикай сад «Шарвили» эпосдин сувариз талукь гьазурвилер акуникай тир. Райондин медениятдин ва туризмдин центрадин начальник А.Будаева къейд авурвал, сувариз талукь тешкиллувилин мярекатар вири медениятдин къуллугъчийрин хиве тун дуьз туш, гьикI хьи, сувар республикадин дережадинди я ва гьавиляй ана лайихлудаказ иштиракун патал вири идарайри, хуьрерин администрацийри тешкиллувилин серенжемрик чпин пай кутун лазим я.

Финансрин отделдин начальник Б.Ибрагьимова малумарайвал, райондин вири муаллимриз рухсатрин такьатар ганва ва июнь вацран мажибрин такьатарни чара авунва.

Образованидин отделдин начальник Р.Катибова районда ЕГЭ кьиле физвай гьалдикай ихтилатна. Адан гафарай, алатай йисарив гекъигайла, алай йисуз имтигьанар хъсан вахкузва. Алава хъувурвал, алай вахтунда мектебрин дараматра ремонтдин кIвалахар башламишнава ва 1-августдалди абур акьалтIарда.

Чпин идарайри кьилиз акъуднавай кIвалахрин гьакъиндай совещанидал мад са жерге жавабдар къуллугъчийри ихтилатарна. Райондин спортдин ва жегьилрин крарин отделдин начальник Р.Рамазанова Фикрет Аслановаз талукьарна КьепIиррин хуьре кьиле тухудай ва Кьурагь райондин 90 йисан юбилейдиз талукь яз спортдин милли жуьрейрай тешкилдай мярекатриз акунвай гьазурвилерикай ихтилатна. Адалайни гъейри, 29-июндиз Ахцегьа «Шарвили» эпосдин суварин сергьятра аваз кьиле фидай спортдин акъажунра иштиракдай команда хкяда.

Эхирдай А.Исаева идарайрин кьиле акъвазнавай къуллугъчийриз бязи тапшуругъар гана.

«Лезги газет»


Всего просмотров: 15

Читайте также: