Камалдин хазинадай

ü  Акьул кIанзаватIа, чIехи касдал  алукь, адаз яб це.

ü  Гайи акьулдиз къуллугъ ая: адалай багьа затI авач.

ü  Акьуллу бубадихъ галаз дуст хьухь.

ü  Камаллудахъ яб акална, дуьз рекьяй алад.

ü  ЧIуру касдихъ галаз кимин къванцелни ацукьмир.

ü  Буба, куткунда туна, рагалай вегьемир, махуник квайвал, пака ви югъни гьам жеда.

ü  Буба тийижиз, ханвал ийиз кIан межер.

ü  Бубадикай хана рахамир.

ü  Бубадин бармак вилера твамир.

ü  Бубайрин камаллу гафар чира, балайривни агакьара.

ü  Бубайрин тарих балайриз чира.

ü  Бубайрин чил чарадав вугуз тахьуй.

ü  Гележегдин планар туь­кIуьра, абур са-сад кьилизни акъу­диз чалишмиш  хьухь.

ü  Гъавурда авачирди гъа­вурдик  кутун камаллувал, инсанвал я.

ü  Садрани жува-жуван тарифмир, я жуван дережа агъузни вегьемир.

ü  Жувалай чIехи кас авачтIа, са еке къванцел хьайитIани меслят гъваш.

ü  Жувалай чIехидал алукь.

ü  Жуван тарихдал дамах ая.

ü  Жуван уьмуьрдал са лекени тегъиз алахъ.

ü  Яшар хьунал дамахмир, жу­ва авур къени крарал дамах ая.

ü  Яшлу инсанрин патай гьуьрмет къазанмиша.

ü  Яшлу  хьайила, вири кIва­лахар аста-аста авуна кIанда.

ü  Яшлу хьайила, жегьил чIа­ван амалар хъийимир.

ü  Яшлу хьайила, жими-журу гзаф неъ.

ü  Яшлу хьайила, кIвалах­ди­вай ва къекъуьнивай акъвазмир.

ü  Яшлу хьанватIа, жуваз кимин  къванцел чка яхъ.

ü  Яшлу хьанватIа, тIимил неъ, багъ-бустандихъ гелкъуьгъ.

ü  Жегьилвилин къадир кьуьзуь хьайила чир жеда.

ü  Кьуьзуь чIаван лезетди уьмуьр­дин азиятар рикIелай -алуд­да­.

ü  Агьилдин — рикI, жегьилдин вилер хци жеда.

ü  Агьил — къулав, жегьил кимел жеда.

ü  Женгина акьуллуди гьамиша гъалиб жеда.

ü  Гьуьрмет агъсакъалдин чурудиз — ваъ, камалдиз къведа.

ü  Гьуьрмет куьтягь тежер девлет я.

ü  Жегьилдин — къуьнера, агьилдин келледа къуват жеда.

ü  Кьуьзуь хьайидаз гьич хинедини куьмекдач.

ü  Агьилрин уьмуьрдин куьлегар жегьилрин гъиле ава.

ü  Кьуьзуьвал дарман авачир азар я.

ü  Кьуьзуьвал хабарни авачиз къведа.

ü  Чуру цIегьрекни жеда, акьул­ кIанда, акьул.

ü  ЧIехи бармак хуьдай кьилни кIанда.

ü  ЧIехида са таб авуртIа, гъвечIида къад табда.

ü  ЧIехида чIехи рекьер къалурда.

ü  ЧIехидаз яб тагайдан пел цла акьада.

ü  ЧIехиди фагьум — фикирна рахада.

«Лезги газет»


Всего просмотров: 24

Читайте также: