Йиртижи балугъ

Гзаф хаталу ва инсафсуз гьайванрикай сад лацу акула я. Адал дуьшуьш хьайи гьайвандиз ва я инсандиз къутармиш жедай мумкинвал са­ки амукьдач. Инсан патал виридалайни гзаф лацу акула хаталу яз гьисабзава. Гьавиляй адаз бязи вахтара инсанар недай акула лугьузва. Кеферпатан МуркIадин океан квачиз, амай вири океанра и гьайван яшамиш жезва. Ам лап зурба йиртижи балугъ я. Адет яз, акулайрин бедендин яргъивал 4,6-4,9 метрдикай ибарат я, бязи вахтара гьатта 5 метрдилайни яргъибур дуьшуьш жезва. Заланвал 680-1100 килограмм кьван жеда.

Океанда акулаяр 70 йисалай тIимил тушиз яшамиш жезва. ТIуьнин еринда абуру цин гъвечIи гьайванар, балугъар, шкьуьнтар, цин хъалхъас хъипер, къушар ишлемишзава. Лацу акулаяр терг хьунин сергьятдив агакьнава — исятда амайбурун кьадар 3500-далай тIимил я.

Бязи чешмейри къейдзавайвал, лацу акулайрин яшайиш бес кьадарда ахтармишнавач. Муькуь акулайрилай тафаватлу яз, тIуьн жагъурунин мураддалди “лацубуру” мукьвал-мукьвал, цяй кьил акъудда, кьуд патахъ вил вегьеда. Цяй кьил акъудайла, абуруз маса гьайванрин ни чIугваз регьят жезва.

Гьазурайди — Куругъли Ферзалиев


Всего просмотров: 51

Читайте также: