Гусаеван турнир

Махачкъалада Россиядин государстводин ва общественно-политический деятель Мегьамедсалигь Гусаеван экуь къамат рикIел хкунин лишан яз накь, ам хайи юкъуз, теннисдай республикадин турнир ачухунин мярекат кьиле фена. Им Дагъустандин образованидин ва илимдин министерстводи теннисдай региондин Федерациядин куьмекдалди, ингье, 14-сеферда тешкилнавай акъажунар я.

Акъажунра республикадин территорийрин 4 зонада гъалиб хьайи 32 гададини 32 руша иштиракзава. Чкайрал кьиле фейи акъажунра 42 райондайни шегьердай тир саки 300 жегьилди иштиракна.

Республикадин турнирда сифтегьан чкаяр кьадайбур патал Дагъустандин минобрнаукади махсус кубокар ва Гусаеврин хизандин патай къиметлу пишкешар гьазурнава.

РикIел хкин: Мегьамедсалигь Гусаева 1991-йисалай Дагъус­тандин Гьукуматда кIвалахна. Ам ДАССР-дин Государстводин комитетдин председатель, министр хьанай. РФ-дин къецепатан крарин министрестводин Консультативный советдин член.  Жуьрэтлувиляй ва Дуствилин орденрин сагьиб тир. 15 йис вилик, 52-йисан яшда аваз, политик Махачкъалада терактдин нетижада телеф хьана. Къе Мегьамедсалигь Гусаеван тIва­ру­нихъ Махачкъалада газетринни журналрин комплекс, республикадин меркезда ва Дербент райондин Чинар хуьре куьчеяр, Чинарда ва Агъул райондин Буршагъ хуьре школаяр янава.

Дагъви Шериф


Всего просмотров: 28

Читайте также: