Дагъустанда спортдин рекьяй Мегьарамдхуьруьн районди 1-чка кьуна

Дагъустан республикада 2018-йисуз физический культура ва спорт вилик тухунин кIвалахар лап хъсандаказ тешкилунин конкурсда-килигуна Мегьарамдхуьруьн район гъалиб хьана.

«Лезги газетдиз» Мегьарамдхуьруьн райондин администрациядин пресс-къуллугъди хабар гузвайвал, конкурсдин-килигунин нетижада муниципальный район  РД-дин физический культурадин ва спортдин министерстводин патай I дережадин дипломдиз лайихлу хьана. Республикада спорт вилик тухунин кардиз кьетIен фикир гунай райондин кьил Фарид Амгьмедовни министерстводи гьуьрметдин грамотадалди къейдна.

Райондин кьили спорт вилик тухуниз датIана фикир гузва, мумкинвилериз килигна вири серенжемар кьабулзава. 2018-йисуз Мегьарамдхуьруьн районда 50-далайни гзаф спортдин мярекатар кьиле тухвана. Алай вахтунда районда кьуд ДЮСШ кардик ква.

“Лезги газет”


Всего просмотров: 22

Читайте также: