ЦIийи йисан савкьат

РД-дин образованидинни илимдин ми­нистерстводи федеральный бюджетдин такьатрин гьисабдай мектебар автобусралди таъминарунин патахъай ийизвай къайгъударвал екеди тирди аквазва. Гьа ихьтин къайгъу­дарвилин куьмек яз, Рутул райондин Хъуьлуьдрин хуьруьн мектебдизни  авто­бус чара авунвайвилин шад хабар, цIийи йисан савкьат яз, чавни агакьнава.

Рутул райондин Лакунрин (абур арандиз куьч хьана гзаф йисар я) хуьре мектеб амачиз са шумуд йис я. Ина яшамиш жезмай хизанрин аялар гьар юкъуз, гад-кьуьд, марф-жив лугьун тийиз, диде-бубайри чпин улакьралди Хъуьлуьдрин хуьруьн мектебдиз, 3 км рехъ атIуз,  гъиз ва хута­хиз гзаф йисар я. Гила аялар патал автобус чара авурла, и хуьруьн,  гьакIни чIехи хьанвай Хъуьлуьдрин  хуьруьн агъа ва  вини кьилера яшамиш жезвай аяларни и  автобусда аваз мектебдиз гъана, тарсарилай кьулухъ чпин диде-бубадин патав шаддиз хквезва. Ихьтин къулайвилер яратмишай къайгъудар ксариз аялри ва абурун диде-бубайри пара кьадар сагърай лугьузва.

Амина  Абдурашидова


Всего просмотров: 58
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире