Чир хьун хъсан я

—  РикIи фад-фад кIвалахиз (аритмия), нефес кьазвайла, во­дороддин перекисдин 10 стIалдиз хуьрекдин 2 тIуруна авай яд яна, фу недалди вилик йикъа пуд сеферда ишлемишда. Ахпа 3 юкъуз ял яна сагъарунин курс башламиш хъийида.Ихьтин курс рикIин кIвалах къайдадик акатдалди кьиле ту­худа.­

—  Адет яз, яшар хьанвай инсанар жалгъайрин тIалди гьелекда. Агъадихъ галай рецепт жалгъайрин тIал секинардай умудлу такьат я.

Аптекадай маса гузвай нашатырный спирт ва скипидарный мазь (сад хьтин паяр) сад-садак какадарна, 5-6 стIал йод алава хъувуна, хъсандиз юзурда. Ахпа ам тIазвай жалгъайривай гуьцIна, чими шарф алчукна, экуьналди тада. Сагъару­нин вахт са гьафте я. ТIал секин хьайила, процедураяр акъвазарда. Герек атай­тIа, мад тикрар хъийида.

—  Поджелудочный железадин кIвалах къайдадикай хкатнавайла, 300 г пурнияр, 100 г зверобой сад-садак какадарна, хуьрекдин са тIуруна авай къаришмадал са истиканда авай ргазвай яд илична, экуьналди термосда тада. Ахпа ам куьзна са йикъан вахтунда са шумуд сеферда хъвада. Сагъарунин вахт кьве гьафте я.

—  Кьил тIазвайла, гьар экуьнахъ ичIи рикIелай са истиканда авай  некIедин цIвегь хъун, гьакIни нашатырный ва камфордин спиртрин къаришмадай (сад хьтин паяр) нефес чIугун меслят къалурзава.

Мадни, вечрен са кака истикандиз хана, ргазвай  нек илична, хуькуьрна, тадиз хъвада.

—  Хамуник шуьтруь лекеяр квайла, касторкади куьмекда. Йи­къа 3-4 сеферда лекейривай касторкадин ягълу гуьцIайла, сифте абур экуь жеда, са кьа­дар вахтуни­лай лекеяр михьиз квахьда.­

—  Хуквада хер авайла, чIух­лум­пIар як регъведай машиндай авадарна, вирт (1:1) хуькуьрна, чи­ми чкада эцигда. Ахпа са вацран вахтунда фу недалди вилик йикъа пуд сеферда хуьрекдин са тIуруна авайди ишлемишда.

—  Вилер галатнавайла, са гъапа авай пурнийрал 1,5 истиканда авай ргазвай яд илична тада, ахпа ам са тIимил къайи хьайила, 0,5 чайдин тIуруна авай вирт хуькуьрда. Экуьнахъ ва нянихъ и къаришмадай жуна кьежирна, 20-25 декьикьада вилерал эцигда.

—  Кьил элкъвезвайла, 300 г серг михьна, банкадиз вегьена, винелай банка ацIудалди эрекь илична, кьве гьафтедин вахтунда  мичIи чкада эцигда. Ахпа йикъа са сеферда и къаришмадин 20 стIал истикандин кьатIа авай некIедиз вегьена хъвада. Са вацралай кьил эл­къуьн­ ва тIа хьун михьиз квахьда. И рецепт гзаф нетижалуди я.

—  Мекьи хьана, хур тIар­за­вай­ла, анардин мижедиз яд яна, ам гьалва­дихъ галаз хъун меслят къа­лурзава­.

   Нерай нефес чIугваз тежезвайла, гайморит авайла, 300 г михьи­ авунвай серг як регъведай машиндай авадарна, са литр эрекь илична, 21 юкъуз, вахт-вахтунда юзуриз, мичIи чкада эцигда. Алцифнавай ми­хьи яд са къапуниз ичIир­да, ахпа ам нерин гьар са хилез 2-3 стIал ве­гьеда. Идалайни гъейри, фу тIуьрда­лай гуьгъуьниз хуьрекдин са тIуруна авайди некIедихъ галаз хъвада.

“Айболит” газетдай.

Гьазурайди — Надият  Велиева


Всего просмотров: 51
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире