ЧIехи алимдин  гьуьрметдай

Гьар йисан декабрдин цIудаз чи школада тIвар-ван авай алим, филолог, лингвист, шаир чи  районэгьли  Мегьамед  Мегьа­медович  Гьажиеван  уьмуьрдин ишигълу крар рикIел хкунин мярекатар тешкилзава. Ада вичин вири чирвилер, къуватар халкьдин савадлувал хкажун патал серфна.

М.М.Гьажиевакай хайи хуьре (Мегьарамдхуьр) ачухай ­советрин сифтегьан мектебдин сад лагьай заведующий хьана. Адан бинедал арадал атанвай Мегьарамдхуьруьн юкьван 1-нумрадин мектебдиз 1995-йисуз Мегьамед Гьажиеван тIвар гана. ГьакIни адан баркаллу тIварцIихъ хуьруьн са куьчени янава­.

Адан словаррикай  ла­гьайтIа, кIелзавайбуру, илимдал маш­гъул­ ксари гьамиша менфят къачузва.

Чи школадин лезги чIаланни литературадин му­ал­лимри д­е­кабрдин вацра, алимдин гьуьрметлу тIвар ри­кIел хкуналди, ачух та­р­сар тухвана, аял­рив сочиненияр кхьиз  ту­на. Ихь­тин кIва­лахри алимдин экуь къа­мат чи рикIелай алудзавач…

Р.А.Гьажиева, Ме­гьа­рамдхуьруьн  М.М.Гьажиеван

тIвару­нихъ галай юкьван 1-нумрадин мектебдин

лезги чIаланни литературадин кьилин категоридин муаллим


Всего просмотров: 76
Подпишитесь на наши каналы:

Читайте также:


Новости партнеров