Башкортостандин министерстводи Ф.Агьмедоваз чухсагъул малумарна

Башкортостан республикадин культурадин министерстводи, республикадин халкьдин яратмишунрин центради Мегьарамдхуьруьн райондин кьил Фарид Агьмедоваз чухсагъул малумарнава. И гьакъиндай райадминистрациядин пресс-къуллугъди хабар гузва.

Райондин кьилин адресдиз «РФ-дин халкьдин яратмишунар хуьнин ва вилик тухунин карда куьмек гунай» чухсагъулдин чар рекье тунва. Ф.Агьмедовав разивилин чар и йикъара администрациядин чlехи залда кьиле фейи совещанидал Мегьарамдхуьруьн райондин депутатрин Собранидин председатель Назир Алиярова вахкана.

Рикlел хкин, алай йисан 26-октябрдиз Мегьарамдхуьруьн райондай тир РД-дин культурадин лайихлу работник Айдун Мегьамедова, райондин кьил Ф.Агьмедован куьмекдалди, Вирироссиядин культурадин фестивалда Дагъустандин патай иштиракнай. И фестиваль 2020-йисуз Уфа шегьерда тешкилдай дуьньядин дережадин фольклориададиз гьазур хьунин макьсаддалди кьиле тухвана.

«Лезги газет»


Всего просмотров: 12

Читайте также: