Аялдиз куьмекиз хьанач

Дербентдин мэр Хизри Абакарова “Instagram” -да авай вичин аккаунтда хабар гайивал, Дербентда ЦIийи йисан йифиз кьилихъ гуьлле галукьай 3 йис хьанвай аял духтурривай къутармишиз хьанач.

РикIел хкин, 31-январдин йифиз вичин диде-бубадихъ галаз санал цавуз ахъайзавай салютриз килигиз, куьчедиз фейи аялдин кьилихъ гуьлле галукьна.

АкьалтIай четин гьалда авайвиляй аял я Махачкъаладиз, я Москвадиз тухуз хьанач. Адаз медицинадин рекьяй куьмек гун патал Дербентдин больницада вири шар­тIар тешкилнавай, республикадин меркездай духтурар атанвай. И месэла РД-дин здравоохраненидин министр Жамалудин Гьажиибрагьимова хсуси гуьзчивилик кутунвай. Амма аялдиз куьмекиз хьанач.

Х.Абакарован гафаралди, арадал атанвай бедбахтвилин дуьшуьшдиз талукь яз  силисчийри уголовный дело къарагъарнава, ам Силисдин комитетдиз вуганва. “Къанун-къайда хуьдай органрин векилри тахсиркарар чарасуз жагъурда ва абурув жаза агакьарда”, — алава хъувуна Дербентдин мэрди.

«Лезги газет»


Всего просмотров: 26

Читайте также: