Арадал хквезва

ТIугъвалдин шартIар себеб яз яргъал вахтунда  акъваз хьайидалай кьулухъ Дагъустандин машинрин базарри  чпин кIвалах башламиш хъувунва. Амма тамамдаказ гуьнгуьна гьат хъувунивай абур гьелелиг яргъа ава.

Нетижаяр автомобилрин Дром сайтди кьунва: сергьятламишдай серенжемар яваш-яваш алудуни машинар маса гузвай майданрал чан хкизва, базарри кIвалах башламишзава, муьштерийрин кьадар гзаф жезва, ам­ма, ятIани, сергьятламишдай серенжемар кардик кутадалди авай  хьтин гьалар гьелелиг арадал хтанвач.

Манасда авай майдандив  гекъигайла, Ху­шетдин базарда машинарни, инсанарни гзаф я. Хасавюртдин автобазарра  алишвериш гьелелиг  гуьнгуьна гьат хъувунвач: ам машинривди анжах 60 процентдин ацIанва. Муьштерийрин кьадар гзаф туш, авайбурун чIехи пайни къиметар ахтармишун патал атанвайбур я.

Эхиримжи зур йисан вахтунда Дагъустанда асул гьисабдай маса къачузвай машинар  “Лада Гранта” ва “Лада Приора” я.  Акъуднавай­ йисалай ва авай гьалдилай аслу яз, и машинрин къиметри 180-400 агъзур манат тешкилзава.

«Лезги газет»


Всего просмотров: 122
Подпишитесь на наши каналы:

Читайте также:


Новости партнеров