Ахцегьа КВН кьиле фена

И йикъара Ахцегь райондин культурадин центрадин кIвале мектебдин лигадин КВН-дин фестиваль кьиле фена. Идакай «Лезги газетдиз» Ахцегь райондин администрациядин пресс-къуллугъди хабар гана.

Райондин УКСМПиТ-ди тешкилай мярекат и идарадин начальник Къистер Гъаниевади тебрикдин гафаралди ачухна, ада жегьил бажарагъриз агалкьунар хьун алхишна.

Иштиракчийри бажарагълувилелди къугъвазвай. Чпин алакьунар къалурай командайрин кьадар гзаф тиртIани, конкурсдин нетижада гъалибчияр тайин хьана. ИкI, 1-чка Калукрин мектебдин командади кьуна. Кьвед ва пуд лагьай чкайрал Ахцегьрин 1-нумрадин ва КьакIарин мектебрин командаяр хьана. Абур кубокралди ва грамотайралди къейдна.

Культурадин управленидин кьиле авайбурун къарардалди, «Лап хъсан актер», «Лап хъсан пародия», «Лап хъсан мезели» номинацийрай бязи кьилдин иштиракчийриз къиметлу пишкешарни гана.

«Лезги газет»


Всего просмотров: 21

Читайте также: