Камалдин ибараяр

Вич-вичихъ кьадарсуз инанмиш, дамах гвай, гуж акакь тийир къванер хкажиз алахъдайбурун крар мукьвал-мукьвал терсина элкъведа.

Межид  ГЬАЖИЕВ

Гьар са касди вичи башла­ми­­шай кар намуслудаказ кьилиз акъуднайтIа, чи уьмуьр гьи­кьван гуьлуьшан ва авадан жедай!

Расим  ГЬАЖИ

Зи лезги халкь чам хьиз я заз,

Чувалдавай къайгъуяр гваз.

Азиз   АЛЕМ

Пагьливандин гужлу гъилер фитнедивай хаз жеда.

Асеф  МЕГЬМАН

Садаз гардан, садаз ютур

Пайдай куь сувар кIандач заз.

Фейзудин  НАГЪИЕВ

Гьахъсуз къимет гуналди,

Вал са абур къведай туш.

Лезги  АРИФ

Гзаф кIан хьун патал Ватан

Михьи хьана кIанда виждан.

Нариман  КЪАРИБОВ

Дуьз тир рекьер къалур авун паталди

Акьуллуяр кьиле хьунухь куьмек я.

Сажидин  САИДГЬАСАНОВ

Хайи чилин кьисметдин къадир чир тахьайдаз тIеби­ат­ни акси къведа.

Тажидин  АГЬМЕДХАНОВ

Тегьне ямир булахдин циз,

Ам жувани хъвазвайди чиз.

Абдуселим  ИСМАИЛОВ

Кесиб касдиз и дуьньяда

Чил кIеви я, цав кьакьан я.

Хпеж  КЪУРБАН

ТIебиатдин гуьрчегвили инсан бейгьуш ийида.

Назир  АГЬМЕДОВ

Чинрал са шумуд хъурхъ алайбур, цIуд мез гвайбур гзаф хьанва.

Нариман  ИБРАГЬИМОВ

Вуна жуван инсанвал хуьх — кьакьан бурж,

Чанни эциг адалатдин патахъай.

Шагьбала  ШАГЬБАЛАЕВ

КIватIайди — Куругъли Къалажухви


Всего просмотров: 24

Читайте также: