3-чка кьуна

И мукьвара Махачкъалада, волейболдин центрада, Дагъустандин кIвенкIвечивал къазанмишун патал 2003-йисалди дидейриз хьанвай рушарин арада волейболдай акъажунар кьиле фена. Ана республикадин виридалайни хъсан 8 командади иштиракна. Абурун арада Кьурагь райондай тир рушарин командани авай. Акъажунрин тешкилатчи РД-дин физический культурадин ва спортдин министерство тир. Макьсад — аялар, жаванар сагълам уьмуьр кьиле тухунал желб авун, спортдин и жуьре вилик тухун ва бажарагъ авай рушар жагъурун.

Судьяйрин коллегиядин къарардалди командаяр кьве чIехи дестедиз пайнавай. Гьар са дестедай виридалайни викIегь команда ярумчух финалдиз акъатзавай. Са шумуд юкъуз къизгъиндаказ кьиле фейи акъажунрин нетижада Кьурагь райондай тир рушарин команда чпин дестеда ЦIумададай ва Махачкъаладай тир 1- командайрихъ галаз къугъвана, амма ярумчух финалда кумукьна. 3-чка патал къугъуна Кьиблепатан Сухокумскдай тир рушарин командадин винел гъалибвал къазанмишна.

Акъажунра 1 ва 2-чкаяр, талукь тирвал, Махачкъала ва Каспийск шегьеррин рушарин командайри кьуна.

Гъалиб хьайи командаяр РД-дин физический культурадин ва спортдин министерстводин патай кубокриз, грамотайриз ва медалриз лайихлу хьана.

Кьурагь райондин рушарин командадик (тренер — Эдгар Алибегов) квай: Маина Хизриева, Марьян Гьамидова, Заира Гьуьсенова, Зубейдат Рамазанова, Хадиджа Керимханова ва Амина Рамазанова. Чна рушарихъ мадни еке агалкьунар хьун алхишзава.

Регина  Семедова


Всего просмотров: 109
Подпишитесь на наши каналы:

Читайте также:


Новости партнеров