«Хатасуз чарх — 2019» конкурсда 1-чка кьуна

И йикъара республикадин аялринни жаванрин автошколада республикадин рекьерин гьерекатрин жаван инспекторрин «Хатасуз чарх – 2019» конкурсдин зонадин пай кьиле фена. Идакай «Лезги газетдиз» Сулейман-Стальский райондин администрациядин пресс-къуллугъди хабар гузва.   

Къейднавай конкурс гьар йисуз Россиядин МВД-дин Махачкъаладин ГИБДД-дин управлениди шегьердин администрациядихъ ва образованидин управленидихъ галаз санал кьиле тухузва. Конкурсдин макьсадар рекьерин гьерекатра къанунрал амалзавай иштиракчийриз тербия гун, рекьера жув кьиле тухудай къайдаяр чирун ва жаванрихъ авай чирвилер ахтармишун я.

Серенжемдин вахтунда республикадин районрай 11 командади рекьерин гьерекатрин хатасузвилин рекьяй чпихъ авай чирвилер ва духтур къведалди хасарат хьайи инсандиз куьмек гунин бинеяр гьихьтинбур ятIа, чпиз чидайвал къалурна.

Нетижада Сулейман-Стальский райондин ЦIийихуьруьн мектебдин командади 1-чка кьуна. Гъалиб хьайи командади 16-майдиз кьиле фидай республикадин паюна иштиракда.

Гъалиб хьайи командадиз диплом гана. Командадин регьберриз – Рагьимат Маллабаевадизни Ислам Абдулаеваз чухсагъул малумарна.

«Лезги газет»  


Всего просмотров: 22

Читайте также: