Бубадиз Йигиндиз физва чи уьмуьр вилик, Арабир къванер акатиз кIвачик. Алукьдайла зун цIуьдгъуьнна чилел, Кьадай бубади къуватлу гъилел. Лезги адетрик кутур зи гьевес, Бинедлай чирай тухумни мирес, Ви лекьрен хесет, уьтквемвал акваз, Гележегда вун чешне хьана заз. Менфят къачудай хьанач гьич мажал, Уьмуьрдикай чун рахайла яргъал. Гьайиф къвезва заз алатай вахтар — Фенач япариз...
Зейнудин Батмановаз Гатфар юкъуз кIвачин хьана Тамуз-тараз килигиз. Тамун юкьваз акъатайла, Са ван хьана япариз. Гьерекат кваз зверна ада Ван къвезвай патахъ. Хизан кьунвай зулумкарри Гъилевай яракь. И гьал акур Батманова Хъувунач фикир. Хизан азад авун патал Вич хьана есир. Чарабурун уьмуьр патал Чан гана хци. Къагьриманвал машгьур хьана Уьлкведиз вири....
Хуьда за! Вал дамахиз, лезги халкьар уях яз, Акъваз тийир, яйлахдин са булах яз, Зи чIехи чIал, вун зи кьилин дамах яз, РикIе туна хуьда за вун, лезги чIал! Яраб чилел алатIа гекъигдай Са затI ахьтин, ви къаншарда эцигдай? Маса емиш жагъич, вал нур илигдай. РикIе туна хуьда за вун хайи чIал! ...
Профессор Гьаким Къурбанан 2015-йисуз чапдай акъатнавай “Лезги зарияр” ктабда къейднавайвал (46-чин), Мискинжви Жабраил1 тахминан 1838-йисуз Самур магьалдин Мискискар хуьре дидедиз хьана. Ада хайи хуьре кIел-кхьин, ахпа Ахцегьрин медресада диндин ва тIебии илимар, къецепатан чIалар чирна. 1877-йисан бунтара иштиракунай Жабраил Урусатдиз суьргуьндиз акъудна. Мискинжви Жабраила вичин шиирар халкьдин четин уьмуьрдикай, гьахъ авачир дуьньядикай теснифна. Ам 1910-йисуз...
Чан зи хайи чил! Ватан я вун, чан зи хайи чил, Дагъустан, Вал дамахзава, кьуна цава кьил, Дагъустан. Авазва вахъ кьакьан дагълар, чуьл, Дагъустан, Ачух рекьер, гьяркьуь вацIар, гьуьл, Дагъустан. Ви тIвар ван тахьай, гьеле Дагъустан, Амач гьич са касни и чилел, Дагъустан. Мугьмандиз атай чара касни, Дагъустан, Кьабулда вуна хайи хва хьиз, Дагъустан....
Стхайрин йифен гуьруьш (Повестдай са чIук) Гьар сеферда, Катрамакандиз хтайла, зи рикI куда. АкI куда хьи, цIай илисайди хьиз, чIух акъатиз. Себеб вуч я лагьайтIа, себеб кицI я… Яргъал гъурбатда хайи кIвалихъ муьгьтеж хьана, йисарилай садра хтайла, и кицIиз килигна, зун варарин вилик амукьзава. Гена хъсан я, кицI зунжурда хуьзва. Зунжур дартмишиз, ам зал гадар...
Саид Гьуьсейнован — 85 йис “Физва фикир зи бейнидин…” Уьмуьрда, тарихда ахьтин шаирар, гьикаятчияр гьалтда хьи, кIелдайбуруз са ктабдални, гьатта са эсердални машгьур хьайи. Саид Гьуьсейнов заз гьахьтин бажарагърин жергедай хьиз я. Чи шииратдиз ам алатай ХХ асирдин 70-йисара атанатIани, сифте ктаб 2016-йисуз чапдай акъудна. Вичинни 80 йис тамам хьанвай. Гила чна автордиз 85 йис...
Чан зи Ватан (ДАССР-дин 100 йисаз бахшзава) Дагъустан я миллетрин багъ, Алай кьилел михьи цав, рагъ Вун асирра мад хьурай сагъ, Зи Дагъустан, чан зи Ватан. Дагъда ава гьуьрмет, акьул, Дерейрава девлетар бул, Къуй ацIурай бегьеррив зул, Зи Дагъустан, чан зи Ватан. Ви тарихдихъ ава къуват, Чи несилриз чIехи савкьат, Дегиш жезва...
Бубадин сурал Чуьлдин юкьвал пач хьиз къацу Къавах ала, кукIуш ханвай. Виш йис хьанвай гужлу, яцIу Тан гьакI михьиз саф-саф хьанвай. Къене хъалхъам авай пичIи, Са пад кьураз эгечIнавай. Адан кIаник кIунтI ква гъвечIи, Фарашдиз векь акъатнавай. — Буба, яргъал рекьерай мад Атанва зун, вал гъиз меслят. Кисмир, мегер вун тушни шад,...
Ракъурдач куьн рикIелай Са чIавузни ракъурдач куьн рикIелай, Ватанд(ин) кьилел къурхулувал атайла, Уьтквемвилелд(и) дяведин цIуз фейибур. Гьамишанда эзберзава мецелай, Куь гьунарар, кьегьалвилер, Чун паталди багьа чанар гайибур. Са чIавузни ракъурдач куьн рикIелай, Гел галачиз квахьна, Ватанда сур тахьайбур. Гьамишанда эзберзава мецелай Куь гьунарар, душман тергна, Чаз азадвал, гъалибвал гвазхтайбур. Са чIавузни ракъурдач куьн рикIелай, Чи яракьдин гьайбатлувал...
