Чан начальник

Агъабалаев Лазераз бахшзава

 

Виликрай чи Кьурагь рекьер,

Хьанвайди тир лекъвер-лекъвер.

Гьарнал алай чкIай муькъвер –

Пис гьалдавай, чан начальник.

 

Гила гьяркьуь къир цай рекьер,

Гьар са кIамал гуьрчег муькъвер,

Шоферризни хьанва кефер,

Ви чан сагърай, чан начальник.

 

ЧIугуна на пара зегьмет,

Ви зегьметдиз гана къимет,

Халкьдин патай ава гьуьрмет,

Ваз чухсагъул, чан начальник.

 

И гьал акур ирандиде,

Мад са кIусни гьатнач кIеве,

Къелем, дафтар кьуна гъиле,

ТуькIуьрна ваз чIал, начальник.

 

Ярдиз

 

Салам я ваз эвелай,

КIани ярдин мецелай.

Вун кIанда заз лап пара,

Гьич алатдач рикIелай.

 

Айиб мийир лугьун я,

Яр кIан хьунухь къанун я.

Заз авай дерт гьамиша

Вун зи патав атун я.

 

Гьа и тIимил гафара,

Чар кхьена тамам я.

Эхиримжи келима —

Ваз зи чилин салам я.

«Лезги газетдин» 2023-йисан 24-нумрадай.