Мегьарамдхуьруьн райондин кьил Фарид Агьмедова райондин 80 йисан юбилейдиз талукь пландин бинедаллаз муниципалитетда са жерге серенжемар кьиле тухузва. Идакай “Малуматрин центр” МКУ-дин пресс-къуллугъди хабар гузва. ИкI, 30-мартдиз, Бут-Къазмайрин аялринни жаванрин спортшколада (ДЮСШ) 2011-2012-йисара дидедиз хьанвай жаванрин арада мини-футболдай ачух кIвенкIве­чивал кьиле тухвана. Къизгъиндаказ кьиле­ фейи къугъунрин нетижада Бут-Къазмайрин ДЮСШ — 1 ва Мегьарамдхуьруьн 1-нум­радин ДЮСШ...

И йикъара Каспийскда, Али Алиеван тIварунихъ галай спортдин дворецда, Дагъустандин кIвенкIвечивал патал боксдай жаванрин арада кьиле фейи акъажунра вичин ери-бине Докъузпара райондин Усугъчайдилай тир Тагьир Таибова 60 кг-дал къведалди заланвал авайбурун арада къизилдин медаль къазанмишна (гила адакай 3-сеферда республикадин дережадин акъа­жунрин гъалибчи хьанва). Ана Дагъустандин шегьеррай ва районрай тир 80-дав агакьна  жегьилри иштиракна­.  РикIел хкин:...

Мукьвара (17-23-апрелдиз) Хорватиядин Загреб шегьерда кьуршахар кьунин пуд жуьредай (азаддаказ, грекринни римлуйрин жуьреда ва дишегьлийри) кьиле фидай Европадин чемпионатда чи кьве ва­танэгьлиди — Азербайжандин патай экъечI­завай Жабраил Гьажиева ва Румыниядин патай — Якьуб Шихжамалова иштиракда. Абу­ру кьведани 74 кг-дал къведалди заланвал авайбурун арада чпин къуватар ахтармишда. Азаддаказ кьуршахар кьунин жуьредай 163 спортсменди гьасиррал чпин устадвал...

Са шумуд югъ идалай вилик Избербашда пауэрлифтингдай Да­гъус­тандин кIвен­кIвечи­вал патал 14-18 йисара авай жаванрин арада кьиле фейи акъажунра СтIал Сулейманан райондайни командади иштиракна. ИкI, дзюдодай ва самбодай ДЮСШ-дин тренер-муаллим Заур Абдурагьманован гъилик вердишвилер къачузвай Икрам Тажибов, Мугьамед Идрисов, Амир Цмиев — къизилдин, Рамал  Рамазанов,  Расул Абдулкеримов,  Къур­бан  Тажибов  гимишдин медалриз ла­йихлу хьана. «Лезги газет»

Алатай гьафтеда Докъузпара райондин ЦIийи Къаракуьре хуьруьн спорткомп­лексда, “Муаллимдин ва насигьатчидин йисаз” талукьарна, педколлективрин командайрин арада волейболдай акъажунар кьиле тухвана. Идакай чаз райадминистрациядин пресс-къуллугъди хабар гана. Райондин администрациядин образованидин управлениди кьил кутуналди тешкилнавай спортдин серенжемдин макьсад волейбол машгьурун, вилик тухун, къугъвазвайбурун устадвал хкажун, сагълам уьмуьр кьиле тухун пропа­ганда авун ва школайрин коллективрин арада дуствилин алакъаяр...

И йикъара Каспийск шегьерда, Али Алиеван тIварунихъ галай спортдин дворецда, 2009-2010-йисара дидедиз хьайи жаванрин арада боксдай республикадин кIвенкIвечивал патал акъажунар кьиле фена. Ана Дагъларин уьлкведин районрайни шегьеррай тир 200-далай виниз жаван боксерри чпин гъутарин устадвал къалурна. Абурун арада СтIал Сулейманан райондин администрациядин спортдин, туризмдин ва жегьилрин крарин рекьяй комитетди рекье тунвай спортсменарни авай. ИкI, турнирда...

Мукьвара Хасавюрт райондин ЦIийи Къурушрин хуьре, рамазандин вацраз талукьарна, аялрин арада азаддиз кьуршахар кьунай турнир кьиле фена. Акъажунар кьиле Абдул-Жабар Жебиев авай хайи хуьре спорт вилик финихъ рикI кузвай же­гьилрин са дестеди тешкилна. Турнирда заланвилин 8 категориядай 50-дав агакьна аялри иштиракна. Мярекат тренерар тир Мамед Мамедшагьовани (кьи­лин судья) Ибрагьим Мамеева (судья) тухвана. Акъажунрин нетижада чемпиондин...

Са шумуд югъ идалай вилик Избербашда жегьилрин арада (19-23 йисарин яшара авай) штангаяр хкажунай (пауэрлифтинг) Дагъустандин кIвенкIвечивал патал кьиле фейи акъажунра Мейлан  Башировакай  (74 кг) абсолютный чемпион хьана. Адаз РД-дин физический культурадин ва спортдин министерстводин патай кубок ва диплом гана.  Къурушрин хуьряй тир Мейлан Баширов Дербент шегьердин халкьдин сеняткарвилерин ва туризмдин колледждин “Ювелир” отделенидин 2-курсунин...

И йикъара Кабардино-Балкариядин меркез Нальчик шегьерда 15 йисал къведалди яшда авай гадайрин, гьакIни рушарин арада дзюдодай СКФО-дин кIвенкIве­чивал патал кьиле фейи  акъажунра  Да­гъустандин хкянавай команда (вири санлай 18 медаль къазанмишуналди, абурукай къизилдинбур — 7) 1-чкадиз лайихлу хьана.  Шадвилелди мадни а кардикай хабар гуз кIанзава хьи, республикадин хкянавай командадик кваз вичин алакьунар къалурай жаванрин арада ери-бине...

Алатай гьафтедин ял ядай йикъара Кьурагь райондин КIирийрин хуьруьн школа-интернатдин спортзалда, Советрин Союздин Игит Эсед Бабастанович Салигьован экуь къаматдиз бахшна, итимрин командайрин арада волейболдай республикадин дережадин 51-турнир кьиле тухвана. Идакай чаз райадминистрациядин пресс-къуллугъди хабар гана. Турнирда Хив, СтIал Сулейманан, Мегьарамдхуьруьн, Ахцегь, Кьурагь районрай ва Дербент шегьердай тир командайри иштиракна. Гьам иштиракчийри, гьамни мугьманри къейд авурвал,...